» Материалы за Март 2014 года

 
 
 
Сортировать статьи по: дате | популярности | посещаемости | комментариям | алфавиту

Жақашбаева Назгүл Талдыбайқызы

Автор: admin2 от 16-03-2014, 16:44, посмотрело: 868

0

 

Жақашбаева Назгүл Талдыбайқызы

 

Жақашбаева Назгүл Талдыбайқызы

Жақашбаева Назгүл Талдыбайқызы 1993 жылдан бастап Ыбырай Алтынсарин атындағы №159 гимназияда бастауыш сыныптарының мұғалімі және ұзартылған күн тобының тәрбиешісі болып еңбек етіп келеді. Қазіргі күнде Ыбырай Алтынсарин атындағы гимназияда 4 дүркін бастауыш сынып түлектерін ұшырды. Ұстаз жаңа оқыту технологияларының түрлі әдіс-тәсілдерін тиімді қолданып, оқушылардың логикасын дамыту, ойлау қабілеттерін қалыптастыру бағытында тыңғылықты нәтижеге ұмтылады. Өзінің жеке әдістемелік қорында көрнекіліктер, дидактикалық таратпалы материалдар, аудио-визуалдық құралдар, тестілік үлгілер оқушылардың пайдалануына лайықталып, жүйеге келтірілген. Ол – мамандығын жете меңгерген, шығармашылықпен еңбектенетін мұғалімдердің бірі ретінде танылады. Оның оқушыларының білім сапасы - жоғары. Мысалы, 2008-2009 оқу жылында 4 «В» сынып оқушылары қазақ тілі пәні бойынша алынған мемлекеттік аралық байқау тестісінде 95% сапа көрсеткішін көрсетті.

Ұстаз шәкірттері «Кенгуру» атты халықаралық математикалық ойын – сайысында, «Ақ бота» интеллектуалдық марафонында, мектепішілік «Жас математик» олимпиадасында, «Алматы-әсем қала» тақырыбына шығарма жазу байқауында, «Ең бірінші бақытым – тілім менің» мәнерлеп оқу байқауында түрлі жүлделі орындарды иеленді. Оқушылары Нұрбекқызы А., Баялбаева Ж. «Әнші болғым келеді» телевизиялық ән байқауына, «Ақ көгершін» халықаралық балалар эстрадалық шығармашылығының фестиваліне қатысып, түрлі дипломдармен марапатталды. Оқушысы Әлібекова Іңкәр «Өрт және жер сілкінісінен сақтан» жобасы бойынша «Менің мамандығым», «Гуаш техникасының ақылдысы», «Менің сүйікті ертегі кейіпкерім» тақырыптарында қалалық сурет конкурсында 1- орын алып, грамоталармен марапатталды.


 


Категория: Октушылар

 

Абдрахманова Махаббат Махматиллаевна

Автор: admin2 от 16-03-2014, 16:41, посмотрело: 845

0

Абдрахманова Махаббат Махматиллаевна

 

Абдрахманова Махаббат Махматиллаевна

 

Абдрахманова Махаббат Махматиллаевна – мектептің бастауыш мұғалімі ретінде үлкен шығармашылық жұмыс істеп келе жатқан тәжірибелі ұстаз. Осы ұжымға келген уақыттан бері өзінің ізденімпаздығымен, еңбекқорлығымен, өз мамандығын шынайы сүйетіндігімен көзге түсті. «Дамыта оқыту технологиясы мен әдістерін сабақта тиімді пайдалану арқылы оқушылардың шығармашылық қабілеттерін дамыту» атты проблемамен жұмыс жасап, оқушылардың логикасын дамыту, ойлау қабілеттерін қалыптастыру бағытында еңбек етіп келеді. 2005-2006 оқу жылынан бастап бастауыш сынып пән бірлестігі жанынан құрылған шығармашылықпен жұмыс жүргізетін топтың мүшесі, жас мұғалімдерге дамыта оқытудың әдіс, тәсілдерін үйрете отырып, бірнеше дүркін ашық сабақтар өткізді. Қала, аудан, республика көлемінде математика, қазақ тілі, әліппе пәндері бойынша ашық сабақтар мен «Әдептілік – әдемілік», «Өнерлі өрге жүзеді», «Наурыз – жыл басы» сияқты тақырыптарда ашық тәрбие сағаттарын көрсетті, озық іс-тәжірибесі таратылды. Бұл сабақтары рухани адамгершілік мәнділігімен, шығармашылық ізденімпаздығымен, техникалық құралдарды, интерактивтік тақтаны тиімді пайдалана білуімен ерекшеленді, жоғары бағаланып отырды. Ұстаздың оқу кабинеті қазіргі талапқа сай жабдықталған.

 

Категория: Октушылар

 

Алдыоңғарова Сайрагүл Раметқызы

Автор: admin2 от 16-03-2014, 16:38, посмотрело: 850

0

Алдыоңғарова Сайрагүл Раметқызы

Алдыоңғарова Сайрагүл Раметқызы

Алдыоңғарова Сайрагүл Раметқызы 1991 жылдан бері №159 гимназияның бастауыш сынып мұғалімі болып жұмыс істейді. Осы уақыт ішінде көптеген оқушылары «Кенгуру» халықаралық олимпиадасында және «Ақбота», «Алтын руно» т.б. білім сайыстарында жүлделі орындарға ие болып келеді. Ұстаз шәкірттерінің ішінде «Кенгуру» ойынының жеңімпазы – 10 оқушы, «Алтын Руно» және «Ақбота» сайыстарының жеңімпаздары – 12 оқушы. Бірнеше шәкірттері мектепті «Алтын белгімен» бітіріп, жоғарғы оқу орындарының мемлекеттік грантына ие болған. Сол сияқты арнайы жоғарғы оқу орындарының грантын алдын ала ие болғандар да бар. Атап айтсақ: «Алтын белгі» иегерлері Әбілхайырова Шолпан – 2007ж., Қалмұрзаева Айгүл – 2007ж., Қосанова Индира – 2007ж. Ал Егізбаев Қайсар 2007жылы арнайы грант жеңіп алды.

Алдыоңғарова Сайрагүл балаларды елжандылыққа, отансүйгіштікке, еңбекқорлыққа, білімге құштарлыққа, имандылыққа, әдептілікке тәрбиелеу жолында көп ізденеді. Шәкірттерінің сахнада өздерін ұстай білулері, өлеңдерді мәнерлеп оқулары, рөлдерде шебер ойнай білулері – Алдыоңғарова Сайрагүлдің балалардың мінез-құлықтарын, ерекшеліктерін жете біліп, зерттеп, әр баланың бойыңдағы ерекше қабілеттерін ескере отырып, олармен тіл табысып, жұмыс істей алатындығының жемісі. Ұстаздың оқушылары біліммен қатар өнер, спорт салаларында да ерекше дарындылықтарымен көзге түсіп, жеңімпаз атанып жүр.


 

Категория: Октушылар

 

Оспанова Мейрамгүл Қабылбекқызы

Автор: admin2 от 16-03-2014, 16:31, посмотрело: 902

0

Оспанова Мейрамгүл Қабылбекқызы

Оспанова Мейрамгүл Қабылбекқызы

Оспанова Мейрамгүл Қабылбекқызы – химия пәнінің мұғалімі,

Мейрамгүл Қабылбекқызы 1980 жылы С.М.Киров атындағы Қазақ Мемлекеттік университетінің химия факультетін бітірген. Білім министрлігінің жолдамасымен ҚР Ұлттық ғылым академиясының химия ғылымдар институтына қызметке келіп, 1980-1999 жылдары академик Шарбан Батталқызы Батталова жетекшілігімен табиғи сорбенттер және катализаторлар зертханасында жемісті еңбек етті. Химия ғылымдарының кандидаты ғылыми дәрежесі үшщін диссертациялық зерттеуін табысты қорғады. Мейрамгүл Қабылбекқызы академик Шарбан Батталовадан ғылым мектебінен ғана емес, үлкен тәрбие, өнеге мектебінен де өткенін үлкен ілтипатпен еске алады.

М.Қ.Оспанова 1999 жылдың қыркүйегінен №159 гимназияда жас ұрпаққа сапалы білім, саналы тәрбие берумен айналысып келеді. Мұғалімнің өз сабағында оқытудың жаңа технологиясының әдіс-тәсілдерін тиімді пайдаланып, оны ғылыммен үйлесімді ұштастыра білуі оқушылардың пәнге деген қызығушылығын арттырады. Ұстаз пәнаралық байланысты, интеграциялық оқытуды жүзеге асыруда едәуір тәжірибе жинақтаған.


 

Категория: Октушылар

 

Халелова Гүлжан Ғабдышүкірқызы

Автор: admin2 от 16-03-2014, 16:22, посмотрело: 958

0

Халелова Гүлжан Ғабдышүкірқызы

Халелова Гүлжан Ғабдышүкірқызы

Гүлжан Ғабдышүкірқызы 2001 жылдан бері №159 гимназияда бастауыш сыныптарының мұғалімі болып қызмет етіп келеді. Оқушыларға сапалы білім, саналы тәрбие беруде жақсы қырынан көрініп, өзін шығармашылықпен жұмыс істейтін ұстаз ретінде көрсете білді. Ол – оқушыға терең білім мен тәрбие бере отырып, жеке тұлға қалыптастыруды өзінің ұстаздық мұраты деп біледі. Бастауыш сыныптарда оқушылардың білуге деген ынтасы мен мүмкіндігін толық ашу және сабақ барысында алған білімдерін практикада пайдалану дағдыларын қалыптастыру үшін жаңа технологияларды қолданудың тиімділігі ерекше екенін үнемі есте ұстайды.

Соның айғағы «Қош бол, сүйікті әліппем!», «Өскенімді ел көрсін...» «Қазақстан болашағы – білімді ұрпағы...», «Алтын күз», «Қыз сыны», «Тілім – менің айбыным» т.б. мерекелік шаралары жоғары дәрежеде өтті, олардың сценарийлерін өзі жазады. Оқу-тәрбие саласында жас жеткіншектерді әдептілікке, мәдениеттілікке, адамгершілікке баулу ісіне жауапкершілікпен қарайды. Еңбегінің жемісінің іргелілігі шәкіртерінің мектепті қалай бітіргенінен де көрінбек. Бұл орайда Гүлжан Ғабдышүкірқызының мақтан тұтар оқушылары жоқ емес, Мысалы, Бейсенов Жәнібек – 1999 жыл, Бәкібаева Райгүл – 2005 жыл, Бәкібаева Рахима – 2005 жыл– сияқты оқушылары Алтын белгі алған Ұстаз өзінің жинақтаған тәжірибесімен баспасөз беттерінде, қалалық, аудандық семинарларда бөлісіп отырды. Алматы қалалық бастауыш сынып мұғалімдерінің алдында «Бастауыш сыныпқа арналған дидактикалық әдістемелік материалдарды картотекалық жүйелеудің тиімділігі» деген тақырыпта семинар өткізіп, ана тілі сабағынан М.Әуезовтің «Боран» әңгімесі бойынша ашық сабақ көрсетіп, бұл тәжірибесі «Мұғалім – шығармашылығы» деген атпен сабақ жиынтығынан тұратын кітапшасы арқылы таратылды.

 

Категория: Октушылар

 

Тынысбекова Маржан Тынысбекқызы

Автор: admin2 от 16-03-2014, 16:20, посмотрело: 1389

0

Тынысбекова Маржан Тынысбекқызы

Тынысбекова Маржан Тынысбекқызы

Тынысбекова Маржан Тынысбекқызы 1999 жылдан №159 гимназияда музыка пәні мұғалімі болып жұмыс істейді. Ол оқушыларға эстетикалық тәрбие беруде аянбай еңбек етіп келеді. Музыка пәнін жаңа мектеп бағдарламасы бойынша көркемөнердің басқа сәйкес түрлерімен кешендікте оқытуды шығармшылықпен жүзеге асырады. Жас ұрпақ бойына музыка арқылы ізгілік, көркемдік, адамгершілік құндылықтарын дарытуда дәстүрлі халық өнерін арқау етіп, сол негізде ұлттық музыканың жастар бойына дарыту жолымен оның жалғастығына, сақталуына елеулі септік жасайды., Ұстаз оқушыларының сабақта алған рухани байлығын сыныптан тыс жұмыстарда дамытып, бйыта түседі. Шәкірттері вокалдық өнермен бірге музыкалық аспаптарды меңгеру негіздерін үйренеді. Олар оқушылардың түрлі өнер байқауларындағы кейбір көрсеткіштері жетістіктерінен аңғарылады: 2007жылы Республикалық «Әнші болғым келеді» телевизиялық байқауының ақтық финалында Абай Саулет, Әбуталипова Диана, Қайыпжан Аслан, Жұмабек Әсем, Жұмабек Әсел, Мырзахмет Аружан дипломант атанса, 2011жылы бас жүлдені Нұрғиса Алуа, І орынды Тоқтасын Қайнар иеленді; 2004 жылы Болгарияда өткен «Кішкентай әнші жұлдыздар» байқауына қатысқан Акишев Дамир дипломмен марапатталды; 2008жылы Голливудта өткен әнші өнерпаздар байқауында Жоламанова Фариза алтын жұлдыз иеленді; 2008,2009 ж. Астанада өткен 2,3 Халықаралық «Ақ көгершін» байқауында Нартан Тоғжан,Тоғысбек Мағжан Абай Саулет лауреат атағын жеңіп алды; марапатталды; 2010жылы Алматы қаласы Білім басқармасының ұйымдастыруымен Ш.Қалдаяқовтың 80 жылдық мерейтойына арналған «Менің Қазақстаным» атты қалалық әншілер байқауында Мырзағалиева Айша ІІ орын алса, жоғары деңгейде өнер көрсеткені үшін Рахметолла Карина, Нартанова Тоғжан дипломдармен марапатталды. 2010жылы Ұлы Жеңістің 65 жылдық мерейтойына арналған «Біз Отанның ұланы» атты қалалық байқауда ІІорынды Рахметолла Карина иеленді. 2011жылы Республикалық «Әнші балапан» байқауында ІІ орын Мырзағалиева Айшаға бұйырды.


 

Категория: Октушылар

 

Асанова Ақмарал Нұрғалиқызы

Автор: admin2 от 16-03-2014, 16:17, посмотрело: 1007

0

Асанова Ақмарал Нұрғалиқызы

Асанова Ақмарал Нұрғалиқызы

Асанова Ақмарал Нұрғалиқызы Алматы қаласындағы Қыздар педагогикалық институтының хореография және музыка факультетін 1996 жылы бітірген. Ол – би өнерінің тамаша маманы. 2002 жылдан бастап Ы.Алтынсарин атындағы №159 гимназияда би үйірмесінің жетекшісі ретінде жұмыс жасап келеді. Кәсіби жоғары білікті ұстаз өз шәкірттерінің биге деген құштарлығын арттырып, олардың бойында эстетикалық талғамның және ырғақты сезіну құдіретінің қалыптасуында көп еңбектеніп келеді. Ұстаз үнемі жаңашылдық ізденістер жасайды. Мысалы, 2011 жылы жаңа үлгіде «Қара жорға» халық биін бүкіл мектепке меңгертіп, оның ішінде 60 қыз балалар, 60 ер балалардан тұратын бишілер тобы мектептің салтанатты қоңырау күнінде сахналық қойылым етіп табысты шығарды. Осы жылдар ішінде ұстаз шәкірттері «Әнші болғым келеді», «Әнші балапан», «Айгөлек», балалар телевизиялық хабарларына шығып, өнердегі өз деңгейлерін көрсете білді. Көптеген оқушылары халықаралық байқауларда, «Ақ көгершін», «Ғұмырдария», «Ғасырлар пернесі», «Жас талант» фестивальдарында жүлделі орындарға, диплом, мақтау қағаздарына ие болып жүр.

 

Категория: Октушылар

 

Жақыпова Майра

Автор: admin2 от 16-03-2014, 16:15, посмотрело: 625

0

Жақыпова Майра

Жақыпова Майра

Жақыпова Майра – мектеп хореографы, ол қыздар педагогикалық институтының хореография бөлімінін бітірді. Институттың жанынан құрылған «Айгүл» ән-би ансамблінің белді мүшесі болды. Ансамбль құрамында бірнеше дүркін халықаралық байқаудың жеңімпазы атанды.

1999 жылдан бері Ыбырай Алтынсарин атындағы №159 гимназияда сыныптан тыс оқу-тәрбие жұмысымен айналысып, өнерге деген шығармашылық көзқарасымен, жаңашылдыққа талпынысымен, дарынды ізденімпаздық адал еңбегімен, шәкірттерінің арманды табыстарға қол жеткізуімен жеткілікті дайындығы бар маман екенін дәлелдеп келеді. «Жауқазын» бишілер тобының үздіксіз тәлімшісі болып қызмет етуде.

Жақыпова Майра қазақтың ұлттық өнерінің бірі, әрі бірегейі – би өнерінің дамуына өз үлесін қосып, болашақ жас ұрпақты осы өнерге баулуда қажырлы еңбек етуде. Ұстаз өзінің білімділігімен, іскерлігімен, ізденімпаздығымен, би қойылымдарын дайындаудағы тапқыр шығармашылығымен ерекшеленеді. Балалардың биге деген құштарлығын дамыту үшін әр-түрлі көрнекіліктер мен құралдар, соның ішінде қамшы, торсық, гүлдер, домбыра, кесе, доптар пайдалана отырып, шеберліктерін шынайы көрсетуге дағдыландырып жүр.

 

Категория: Октушылар

 

Серікбаева Гүлпара Ырысбайқызы

Автор: admin2 от 16-03-2014, 16:12, посмотрело: 655

0

Серікбаева Гүлпара Ырысбайқызы

Серікбаева Гүлпара Ырысбайқызы

Серікбаева Гүлпара Ырысбайқызы №159 гимназияда технология пәнінің мұғалімі болып 1997 жылдан бастап еңбек етіп келеді. Ол – еңбекқор, өз ісінің шебері, талапты маман. Еңбек сабағында инновациялық оқыту әдістерін пайдаланады. Технология пәнінің өзіндік ерекшеліктерін оқушыларға толық жеткізеді: әрбір өнімнің мақсат-қызметін, әлеуметтік мәнін, орындалу технологиясын, өзіндік құнын, тауарлық немесе тұтынушылық сипаттарын анықтап, техникалық картасын жасап отырады. Ұстаз сабақ пен сыныптан тыс технология жұмыстарын біртұтас жауапкершілік деп есептейді. Сондықтан өзі де, шәкірттері де уақыт талғамай, қазіргі заманғы технологиялық жетістіктермен атқарылатын өнерге және дәстүрлі қол өнеріне сүйіспеншілікпен қарап, шығармашылық жұмыстарды ыждаһаттықпен атқарады.

Гүлпара Ырысбайқызы жыл сайынғы аудан, қала көлемінде өтетін мәдени іс-шараларға қатысып, оларда «Халық мұрасы – ою-өрнек түрлері», «Табиғатым-тал бесігім», «Ұлы жеңіс күніне», «Наурыз – көктемгі жаңару» тақырыптарында ұйымдастырылған көрмелері жоғары бағаланады.


 

Категория: Октушылар

 

Ахметова Сәуле Мұратбекқызы

Автор: admin2 от 16-03-2014, 16:10, посмотрело: 883

0

Ахметова Сәуле Мұратбекқызы

Ахметова Сәуле Мұратбекқызы

Ахметова Сәуле Мұратбекқызы Қызылорда қаласындағы №11 орта мектепте ұстаздық жолын бастады. Жас ұстаз еңбек жолының алғашқы жылдарында-ақ терең білімімен, іскерлігімен шәкірттері мен ата-аналарының ризашылығына бөленді.

2000 жылы қазақ тілі мен әдебиет пәні мұғалімдерінің Қызылорда қаласында өткен І олимпиадасына қатысып, ғылыми-теориялық білімділігі мен өз тәжірибесінде оқытудың жаңа технологиясын шебер көрсете білгендігі үшін қаладан бас жүлдені, облыстан ІІ орынды иеленді.

Республикалық семинарда іс-тәжірибе алмасу мақсатында ашық сабақтар берді. Облыстағы «Үздік аттестат», «Үздік куәлікке» үміткер оқушылардың емтихандық жазба жұмыстарын тексеру комиссиясына мүше болған. Осындай жұмыстарының нәтижесінде облыс әкімінің «Қазақстан Республикасының Тәуелсіздігіне 10 жыл» толуына орай еліміздің болашақ иелерін оқыту мен тәрбиелеудегі қол жеткізген табыстары үшін алғыс хатымен, қалалық білім бөлімінің, облыстық білім бөлімінің, облыстық білім департаментінің мақтау қағаздарымен марапатталған.


 

Категория: Октушылар

 

Жанұзақова Айымгүл Нұртайқызы

Автор: admin2 от 16-03-2014, 16:07, посмотрело: 731

0

Жанұзақова Айымгүл Нұртайқызы

Жанұзақова Айымгүл Нұртайқызы

Жанұзақова Айымгүл Нұртайқызы 2001 жылдан бастап Ы.Алтынсарин атындағы №159 гимназияның бейнелеу пәнінен сабақ беріп келеді. Бейнелеу пәні-ол шығармашылық өнер ретінде оқушыларды ұшқыр қиялға ендіре отырып, дұрыс шешім табу,оны құрастырып бейнелеу жолымен балаларды шығармашалыққа баулитын шексіз үрдіс. Айымгүл Нұртай осы құдіретті өнерді меңгерген, өзінің бұл шеберлігін оқушы бойына сіңіріп, жүзеге асырудан артық жетістік жоқ деп есептейді. Барлық сыныптарға арнап дидактикалық материалдардың картотекасын жасаған. Материалдар жеке-жеке нөмірленген папкаларда жинақталған. Олардың қысқаша мазмұны папка бетінде көрсетілген. Көрнекілікке өте бай. Білімді өмірмен байланыстыра оқытады. Оқушыларының бейнелеу өнеріне деген қызығушылығы жоғары. Мұғалім өзінің жеке дарынының үлгісімен өз бетінше жұмыс түрлерін шебер ұйымдастырады.

Өнерпаз ұстаздың оқушылары да өнерлі. Олар үздіксіз мектеп, аудан, қала, халықаралық көрмелерге қатысып, үлкен жетістіктерге жетіп келеді. Айымгүл Нұртайқызы – бала мен мектеп мүддесі үшін аянбай еңбек ететін қоғамшыл ұстаз. Оны шәкірттерінің жеткен жетістіктерінен көреміз.


 

Категория: Октушылар

 

Ізбасарова Гүлнар Ешмұханбетқызы

Автор: admin2 от 15-03-2014, 21:17, посмотрело: 709

0

Ізбасарова Гүлнар Ешмұханбетқызы

Ізбасарова Гүлнар Ешмұханбетқызы

Ізбасарова Гүлнар Ешмұханбетқызы 1993 жылдан бері Ы.Алтынсарин атындағы №159 гимназияда қазақ тілі мен әдебиеті пәнінен сапалы әрі тиянақты білім беріп келеді. Ол өз сабақтарында оқытуды жеке тұлғаға бағыттауды жүзеге асырып, әрбір оқушының ойлау, сөйлеу, тілдесу қабілеттерін дамытумен бірге, шығармашылыққа үйретеді. Осыған орай интербелсенді оқыту технологиясын қолданып, топтық, жұптық, жекелей жұмыс түрлерін үйлестіре ұйымдастырады. Мұнда диалог, сұқбат, дебат, пікірталас сияқты белсенді әдістер кең орын алады. Мұғалім этнопедагогика әрбір сабақтың жаны болуға тиіс деп есептейді. Көркем әдебиет шығармаларын оқуда өзінің бұл қағидасына әрқашан адалдық танытып, олардың ұлттық нәр-қуатын балаларға дарытуға тырысады. Гүлнар Ешмұханбетқызы шығармашылық тақырыбы да: «Қазақ тілі сабағында тіл мәдениетін арттыру арқылы оқушылардың өз туған тіліне сүйіспеншілік сезімдерін қалыптастыру» деп таңдалынған.

Қазақ тілі мен әдебиеті пәнінің мұғалімі ретінде мектепішілік, аудандық, қалалық ашық сабақтар беріп, заман талабына сай оқытудың жаңа технологияларының тиімді әдіс-тәсілдерін тиімді қолдану тәжірибесімен бөлісіп отырады. Сол іс-тәжірибесін тарату мақсатында республика көлемінде шығатын «Қазақ тілі мен әдебиеті» журналында: «Бала Тұрар», «Көксерек- тұз тазысы», «Сайфи Сарайдың «Түрікше Гүлстан», т.б. мақалалары жарияланды. «Сын есімнің жасалуы» тақырыбында қала бойынша семинарларда ашық сабақ берді және Атырау қаласындағы Республикалық семинарда осы мәселеге қатысты баяндама жасады.


 

Категория: Октушылар

 

Даирбекова Раушан Абдахметқызы

Автор: admin2 от 15-03-2014, 21:15, посмотрело: 622

0

Даирбекова Раушан Абдахметқызы

Даирбекова Раушан Абдахметқызы

Даирбекова Раушан Абдахметқызы осы мектепте 2000 жылдан бастап ағылшын пәнінен мұғалім болып жұмыс істейді. Ол өзін білімді, жаңашыл, жұмысқа үлкен жауапкершілікпен қарайтын мұғалім ретінде көрсетті.

Тәжірибелі мұғалім өз сабағында Англиядан алынған оқу-әдістемелік құралдарды қосымша қолданады. Сабақта компьютер, интерактивтік тақта, мультимедия кабинетінің толық мүмкіндіктерін іске асырады. Merits бағдарламасы, электрондық технология, модульдік оқыту ұстаз тәжірибесінен кең орын алған.

Республикалық әдістемелік педагогикалық журнал-«Мектептегі шет тілі» және «Жас өркен» газетінде мақалалары мен сабақ жоспарлары жарық көреді. Жас ұрпаққа сапалы білім беру мақсатында Алматы қаласы департаменті жанындағы қалалық білім беру жүйесі мамандарының біліктілігін көтеру және қайта даярлау институтында өз білімін көтерді. Ағылшын тілінде Алматы қаласында өткен халықаралық семинарларға қатысып диплом, сертификаттарға ие болды.


 

Категория: Октушылар

 

Шелекбаева Камаш Әбдуәліқызы

Автор: admin2 от 15-03-2014, 21:11, посмотрело: 699

0

Шелекбаева Камаш Әбдуәліқызы

Шелекбаева Камаш Әбдуәліқызы

Камаш Әбдуәліқызы №159 гимназияда 2000-2001 оқу жылынан бастап ағылшын тілі пәні мұғалімі болып еңбек етеді. Оқушыларының ҰБТ бойынша білімдерінің көрсеткіші 80-90 пайыз сапаны көрсетеді. Ұстаздың шәкірттері – аудандық және қалалық олимпиадалардың жеңімпаздары. оқушыларды деңгейлеп оқыту арқасында Inter Press орталығымен бірлескен байқауда Дәулетшин Қайнар, Тоқтарқанов Диас сияқты оқушылар жоғарғы деңгейге қол жеткізді. 2007 жылы Айтбенова Майя, Смағұлова Сабина жазғы демалыс кезінде Англияда ағылшын тілін қосымша оқып үйренуде ең жоғары дәрежедегі сертификатқа ие болды. 2009 жылы Әшімова Айтолқын, Құсайынова Зере Республикалық олимпиаданың 2-ші дәрежелі жүлдегерлері атанды. Чехия республикасының Прага қаласында ағылшын тілі бойынша өткен Халықаралық ғылыми олимпиадада Шелекбаева Камаш жетекшілігімен Қуандықова Гүлсара 1-орынды иеленді. Ал Серғалиева Садия «Дарын» республикалық ғылыми практикалық орталығының ұйымдастыруымен өткізілген республикалық ғылыми жобада 2-орынды қанжығасына байлап қайтса, Ізбасарұлы Нұр, Тохтарханов Диас 3-орынды иеленді. 2009 жылы Қойжанова Самал ағылшын тілі бойынша «Қайнар» университетінде өткен «Болашақты оқу арқылы таны» акциясына қатысып, жүлделі орынға ие болды.


 

Категория: Октушылар

 

Әмірбекова Санабархан Әшірқызы

Автор: admin2 от 15-03-2014, 21:09, посмотрело: 662

0

Әмірбекова Санабархан Әшірқызы

Әмірбекова Санабархан Әшірқызы

Әмірбекова Санабархан Әшірханқызы 1997 жылдан бастап осы гимназияда денешынықтыру пәнінің мұғалімі болып қызмет атқарып келеді. Ол оқушылардың денсаулығын нығайтуда, шымыр етіп шынықтыруда талмай еңбектенеді. Сабақтарда денешынықтыру пәніне қойылатын талаптарды толық сақтайды. Әрбір оқушыны өз дене саулығы мен қуат-күші үшін жеке жауапкершілігін қалыптастыруға саналы түрде бағыттап отырады. Ұстаз сабақтарының пәндік мәдениеті жоғары, оқушылардың түрлі жаттығулар мен спорттық ойындарға қызығушылықтарын, белсенді қатысуын, саналы тәртіптілігін қамтамасыз етеді. Оқушыларды педагогика-психологиялық зерттеу мақсатында ұстаз тарапынан тоқсан сайын тест алынып, олардың нәтижесі бойынша түрлі қызықты жұмыстар ұйымдастырылады. Сабақтың және сабақтан тыс жұмыстардың нәтижелері оқушыларының әртүрлі деңгейлердегі жарыстарға, сайыстарға белсенді де табысты қатысуларынан көрінеді.


 

Категория: Октушылар

 

Әбдірахманова Гүлмира Әнуарбекқызы

Автор: admin2 от 15-03-2014, 21:06, посмотрело: 701

0

Әбдірахманова Гүлмира Әнуарбекқызы

Әбдірахманова Гүлмира Әнуарбекқызы

Әбдірахманова Гүлмира Әнуарбекқызы – ағылшын тілі пәнінің мұғалімі. Гүлмира Әнуарбекқызы сабақтарында аудио-визуалдық құралдар арқылы ағылшын тілін жанды сипатта үйретуге күш салады. Тілдік ортаны имитациялау әдісін қолдану жолымен оқушылардың ағылшын тілінде қарым-қатынас жасау мүмкіндіктерін ұйымдастырып отырады. Оқушылар өзара диалог құрып, іскерлік ойындарға, пікірталас-дебаттарға қатысып, шет тілін белсенді үйренуге жұмылдырылады. Мұғалім тыңдалым, оқылым, сөйлесім, жазылым сияқты сөйлеу әрекеттерін жекелей де, өзара үйлестіріп те, кешенді түрде де қолдана біледі. Ол –мемлекетіміздің үш тұғырлы тіл саясатын жүзеге асыруда өз үлесін қосып келе жатқан ізденімпаз ұстаз.

Г.Ә.Әбдірахманованың ұстаздық бейнесінің толымдылығын шәкірттерінің жыл сайынғы жетістіктері арттыра түсуде.


 

Категория: Октушылар

 

Бұлтақбаева Советхан Әміржанқызы

Автор: admin2 от 15-03-2014, 21:04, посмотрело: 853

0

Бұлтақбаева Советхан Әміржанқызы

Бұлтақбаева Советхан Әміржанқызы

Бұлтақбаева Советхан Әміржанқызы №159 гимназияда 1995 жылдан бастап бастауыш сынып мұғалімі болып қызмет атқарып келеді. Оқытудың интербелсенді жаңа әдіс-тәсілдерін қолданады. Оқушылардың танымдық, ізденімпаздық қабілеттерін дамыту мақсатында логикалық, деңгейлік шығармашылық тапсырмаларды орындатуды дағдыға айналдырған. Сабағында әр баланың жеке мүмкіндігін аша отырып, әрқайсысын шығармашыл тұлға етіп қалыптастыруда топтық және жұптық жұмыс түрлеріне ерекше мән береді, сөйтіп белгілі бір ортада оқушыны өз пікірін қорғай білудің бастапқы дағдыларына үйретеді. Оқу бағдармалары негізінде тақырыптық күнтізбелік жоспар жасауды жоғары бағалайды. Онда модуль ішіндегі мақсат-міндеттерді айқындау, олардың күтілетін нәтижелермен біртұтас сәйкестігін белгілеу, оқыту әдістерін, сабақ пен оқушы жұмысының түрлерін, құрал-жабдықтарды көрсету жүзеге асырылып отырады. Оқушылары оқу, жазу, есептеу, дүниетану, эстетикалық талғам, өзі күту негіздерін қазіргі білім стандартында берілген талаптар деңгейінде тыңғылықты меңгереді.

Бұлтақбаева С. Ә. өзінің білімділігімен, шығармашылық ізденгіштігімен ерекшеленеді. Мектеп, аудан, қала көлемінде бірнеше рет ашық сабақтар беріп, нәтижесі жоғары бағамен атап өтілді. 2005 жылы ана тілі пәнінен «Айтшы, әжетай», 2006 жылы дүниетану пәнінен «Жануарлардың мекен ортасына бейімділігі» атты ашық сабақтар өткізді. Бұл сабақтары шығармашылық жұмыстардың әр түрін жүзеге асыруда техникалық құралдарды тиімді пайдалана білетіндігімен ерекшеленеді. Осы ашық сабақтарының үлгі жоспарлары «Бастауыш мектеп» журналында жарияланды.


 

Категория: Октушылар

 

Болатбаева Құралай Лекерқызы

Автор: admin2 от 15-03-2014, 21:02, посмотрело: 589

0

Болатбаева Құралай Лекерқызы

Болатбаева Құралай Лекерқызы

Болатбаева Қ.Л. №159 гимназияда орыс тілі мен әдебиеті пәндерінің мұғалімі ретінде еңбек етеді. Мұғалімнің сабақ үстінде интерактивтік оқытуды қолдануы, шығармашылықпен еңбектенуі жаңашыл мұғалім тұлғасын көрсетеді. Жалпы сабақта мұғалімнің өзін оқушымен субьект-субьект қатынасында ұстауы, баламен тіл табысуы әсерлі және оқу үрдісі үшін аса қолайлы жағдай туғызады. Мәтінді тыңдау, оқу, сөйлеу, дауыстап оқу, рөлдерге бөліп оқу, мәтін негізінде қажетінше шығыамашылық әңгімелеу, түсіндіріп айту жұмыстары еркін жүргізіледі. Ол оқушылардың сөйлеу дағдыларын, лексикондарын байыта отырып, орыс дыбыстарын, екпіндерді дұрыс айтуға жаттықтырады. Бұл орайда интерактивтік тақтаны, оқытудың техникалық құралдарын пайдаланады. Оның оқушылары өлеңдерді, жұмбақтарды, мақал-мәтелдерді жатқа оқып, прозалық шығармаларды көркем әңгімелейді. Тіл дамыту ісінде мазмұндама, шығармалар, жазуды кең тәжірибелейді. А.С.Пушкин ертегілері бойынша «Ертек-қиял болса да, астары бай» тақырыбында ашық қойылым өткізіп, ата-аналарды да қатыстырып, оқушылардың еркін сөйлеуіне қол жеткізу сияқты жұмыстарды көп жүргізеді. Білім сапасын арттыратын ойын-сабақ, сайыс сабақатар ұйымдастырып, қызығушылыққа жетелейді. Оқушылардың оқу материалдарын бейнелі қабылдауын қамтамасыз ету үшін өз күші мен уақытын, шеберлігін аямайды. Өз ісін беріле сүйетін ұстаз оқушыларына да өте мейірімді, сергек, тілектес, жанашыр. Әрбір балаға көмекпен қарау, қамқорлық ету – Құралай Лекрқызының басты ұстанымы.


 

Категория: Октушылар

 

Құдайқұлова Назым Абжаппарқызы

Автор: admin2 от 15-03-2014, 21:00, посмотрело: 599

0

Құдайқұлова Назым Абжаппарқызы

Құдайқұлова Назым Абжаппарқызы

Құдайқұлова Назым Абжаппарқызы №159 гимназияда 2007 жылдан бастап орыс тілі мен әдебиеті пәнінің мұғалімі болып еңбек етіп келеді. Бұған дейін Шымкент қаласындағы №55 орта мектебінде орыс сыныптарында осы пән бойынша cабақ берген.

Осы гимназияға келгеннен өзінің білімдігін, ізденгіштігін, жауапкершіліктігін таныта білді. Өз пәнінің теориясы мен әдістемесін жетік меңгерген Оқыту технологиясында коммуникативтік оқыту әдістеріне көп жүгінеді. Мұнда салыстырмалы грамматиканың тиімді, тақырыпқа сәйкес тұстарына сүйену арқылы тілді саналы меңгеруді ұстанады. Мұғалім жазбаша тіл дамыту жұмыстарын да шығармашылықпен ұйымдастырады. Сабақта мультимедиалық, көрнекілік құралдарды қолдану жолымен орыс тілінен сапалы білім береді. Оқушылармен сабақтан тыс жұмыстарда қызықты проблемалық дебаттар, диспуттар, өткізеді. Оқушыларын түрлі әдеби қойылымдарды көрсетуге үйретеді. Ұстаздың оқушылары орыс тілі мен әдебиеті пәндері бойынша аудандық олимпиадаларда жүлделі орындар иеленуде (Ерімбетова Айнұр -11 сынып оқушысы, Райханова Ақерке – 8 сынып оқушысы т.б.).


 

Категория: Октушылар

 

Исаева Сауле Жолмырзақызы

Автор: admin2 от 15-03-2014, 20:56, посмотрело: 591

0

Исаева Сауле Жолмырзақызы

Исаева Сауле Жолмырзақызы

Исаева Сауле Жолмырзақызы №159 гимназияда орыс тілі және орыс әдебиеті мұғалімі ретінде 10 жыл еңбек атқарып келе жатыр. Өз пәнін жетік меңгерген. Инновациялық оқыту технологияларын оқушылардың дайындық деңгейі мен ерекшеліктеріне қарай сұрыптап, идеялары мен элементтерін шебер қолданады. Әсіресе электрондық құралдар арқылы коммуникативтік оқыту әдістеріне көп жүгінеді. Оның іс-тәжірибесінде сөйлеу әрекетінің сөйлесім, тыңдалым, оқылым, жазылым сияқты түрлері кешенді орын алады. Оқушылардың тілін дамытуда таратпалы тірек материалдарын, көрнекіліктерді, айналаны тікелей бақылау әсерлерін, өмір тәшірибесіндегі мүмкін ситуацияларды, фильмдерді, т, б, дидактикалық құралдарды шығармашылықпен пайдаланып, нәтижеге қол жеткізуді мақсат етеді. Ұстаз сабағында диалог жетекші тәсіл болып табылады. Мұғалім жыл сайын оқушыларды пәндік олимпиадаларға дайындайды, олар жүлделі орындарға иеленіп жүр. Мысалы: 2005-2006 ж. Тоғамбаева Камилла қалалық олимпиадада – 1 орын, республикалық олимпиадада – 2 орын иеленді; 2005 ж. Жүзбаев Адам, Есімбекова Айна қалалық олимпиадада -3 орын, Байжанова Лаура -1 орын жеңіп алды; 2006 ж. Абильдинова Айкерім қалалық олимпиадада 3 орын алды; 2007 ж. Қайшыбекова Айдана қалалық олимпиадада – 1орын, республикалықта – 4 орын және Сертификат пен «Дарын» грамотасын иеленді; 2009ж. Алимбаева Балнұр ҚазҰТУ – дегі пәндік олимпиада 1 орынға көтерілді. 2011 ж. 9 сынып оқушысы Шалқар Аяулым қалалық олимпиадада – 1 орын иеленді. 2006 жылы «Ең үздік шығарма» (1986 жылғы желтоқсан оқиғаларыны байланысты) атты сайыста Стаханов Қуаныш (11 сынып)-1 орын, Байжанова Лаура (10 сынып)-2 орын иеленді. Ұстаз оқушыларының шығармалары, өлеңдері ылғи «Жасөркен», «Ұлан» баспасөздерінде басылып тұрады.


 

Категория: Октушылар

 

Көпекбай Әлия Мәсімбайқызы

Автор: admin2 от 15-03-2014, 20:49, посмотрело: 2011

0

Көпекбай Әлия Мәсімбайқызы

Көпекбай Әлия Мәсімбайқызы

Көпекбай Әия Мәсімбайқызы 1991 жылы №159 мектеп ашылғанда, алғашқылардың бірі болып, Аягүл Төреқызы Миразова басқарған ұжымға тарих және қоғамдық білім негіздері пәндері мұғалімі ретінде қосылды.

Міне, биыл 20 жыл толып отырған осы мектеп-гимназияның ыстық-суығын бірге көтеріп келеді. 1990 жылдардың бас кезінде тәуелсіздікке қол жеткізіп, енді алға қарай қадам басып келе жатқан еліміздің болашақ азаматтарына білім беріп, оларды ұлтжандылыққа тәрбиелеп, ел тарихының өшпес беттерін елім деген шәкірттерінің бойына сіңіре білді.

Көпекбай Ә.М. өз білімін жан-жақты дамытып, шығармашылдықпен жұмыс істейді. «Дәстүрлі емес сабақ түрлері», «Тарих сабағында оқушылардың жас ерекшілігіне қарай оқытудың әдіс-тәсілдерін жетілдіру жолдары» тақырыптарында ізденіс жұмыстарын жүргізеді. Оқушыларының тарихқа деген қызығушылығын арттырып, өз Отанын сүйіп, құрметтеп, елінің лайықты азаматы болуға тәрбиелеуде.


 

Категория: Октушылар

 

Оспанова Гүлнар Қажықызы

Автор: admin2 от 15-03-2014, 20:46, посмотрело: 736

0

Оспанова Гүлнар Қажықызы

Оспанова Гүлнар Қажықызы

Әрбір ұстаз өз заманының алдыңғы қатарлы білімдар өкілі десек, қазақ тілі мен әдебиеті пәндерінің мұғалімі Оспанова Гүлнар Қажықызының да оқу-тәрбие жұмысында атқарып жүрген қызметі зор, ұрпаққа берер тәрбиесі мол ұстаз. Ол – өзіндік қолтаңбасы айқын мұғалім. Әдебиет сабағының көркемдік-эстетикалық қуатын аша біледі, онымен оқушыларды табыстыра алады. Қазақ тілі пәнінің теориясын практикалық жұмыстармен шебер ұштастырады. Әдебиет сабақтарында көркем әдебиет шығармаларының және қазақ тілі сабақтарында тілдік материалдардың ұлттық тәрбие берудегі мүмкіндіктерін сарқа пайдаланады. Өзін қазақ халқының бай рухани-адамгершілік мұрасын жас ұрпаққа жеткізуші өкілмін деп сезінеді және осы ниетін адал атқарады. Ұстаз өз шәкірттерінің білім сапасын арттыруда аянбай еңбектенеді.

Г. Оспанованың оқушылары – аудандық, қалалық, Республикалық олимпиадалардың жүлдегерлері, ғылыми жоба жеңімпаздары. Абай, Мұқағали оқуларының белсенді қатысушылары. Оқушылары Бастаубаева Әлия мен Орманбек Дулат қалалық олимпиадада ІІ орын алды. 11-сынып оқушысы Текебаева Әсел І орын иегері. (2004 ж). Республикалық олимпиадада 10-сынып оқушысы Орманбек Дулат жүлделі ІІ орынды иеленді.


 

Категория: Октушылар

 

Шабанбаева Айгүлім Дәулетқанқызы

Автор: admin2 от 15-03-2014, 20:44, посмотрело: 700

0

Шабанбаева Айгүлім Дәулетқанқызы

Шабанбаева Айгүлім Дәулетқанқызы

Шабанбаева Айгүлім Даулетқанқызы – бастауыш сынып мұғалімі ретінде үлкен шығармашылықпен жұмыс істеп келеді. Өз ісінің шебері екендігін 35 жылдық еңбек жолында көрсете білді. Айгүлім Дәулетқанқызы өз пәнін жете меңгерген, сабақтарда оқытудың жаңа әдіс тәсілдерін қолданады. Оқушылардың танымдық ізденімпаздық қабілеттерін дамыту мақсатында логикалық тапсырмалар мен шығармашылық тапсырмалар орындатуды дағдыға айналдырған. Дәстүрлі сабақтар мен дәстүрлі емес сабақтарды үйлестіруді кеңінен қолданады. Оның жарыс, ойын, саяхат, концерт сабақтары қызықты өтеді. Ұстаз өз тәжірибесімен әріптестерімен бөлісіп, ашық сабақтар өткізеді,. Оның сондай бір сабағы «Бастауыш мектеп» журналының 2009 жылғы №11 санында жарық көрген.

Айгүлім Дәулетқанқызының оқушылары сапалы білімімен көптеген жетістікке қол жеткізді. Мысалы: 2005–2011 жылдарда 18 бала «Ақбота» интеллектуалдық марафонда 1,2,3-орындарды иеленді; «Ақкөгершін» халықаралық байқауында 1 оқушысы 2-орынды иеленді. «Кенгуру» интеллектуалдық марафонға 18 оқушы қатысып, 12 оқушы бірінші орынға шыққан, ал қалған оқушылар үшінші орынды иеленді. Мектепішілік әралуан жарыстарда, «Әдептілік–әдемілік», «Қазақстан–ғарыштық ел», «Наурыз–думан» конкурстарында 15 бала жүлделі орындарда көрінді. Мектептегі күй сайысында 2 оқушы үшінші орынды жеңіп алды, Бастауыш сынып онкүндіктерінде де ұстаздың оқушылары белсенді қатысқаны үшін «Тағылымы мол тәрбие сағаты», «Математикадан үздік көрсеткіштер» дипломдарымен оқушылар да ұстаз да марапатталған. Халықаралық жарыста гимнастикадан бір оқушысы 1 ші орынды жеңіп алды.

 

Категория: Октушылар

 

Арипова Гауһар Рауанқызы

Автор: admin2 от 15-03-2014, 20:41, посмотрело: 770

0

Арипова Гауһар Рауанқызы

Арипова Гауһар Рауанқызы

Бастауыш сыныптар мұғалімі Арипова Гауһар Рауанқызы – кәсіби мәдениеті жоғары, ұстаздық өнегені шеберлікпен тыңғылықты меңгерген. Ол нәтижелікке бағдарланған оқытуды шығармашылықпен жүзеге асырады. Сабақты өнер арқылы, қызықтырғыш дидактикалық ойындар, мейірім-шапағат, көркем мінез, жанға жылы қанаттандырғыш сөз арқылы әсерлі жүргізуді берік ұстанатын ұстаз. Гауһар Рауанқызы инновациялық технологияларды оқушының жұмысын белсенділендірудегі тиімділігіне қарай, сабақ мақсатына лайық бейімдеп, саналы қолданады. Оқушыларды шығармашылыққа, өнерді сүюге баули отырып, тұлғаның бойындағы рухани-адамгершілік құндылықтарын қалыптастыруға басты назар аударады. Ол өз сабақтарында оқытудың жеке тұлғаны дамытуға нақты бағдарлануын мұқият жүзеге асырады, жалпы оқытудан әрбірін оқытуға көшуге мүмкіндік беретін қажетті дидактикалық материалдармен мейілінше қамтамасыз етуге күш салады. Баланы өз бетінше мақсат белгілеуге, оны орындауды жоспарлауға, өзін-өзі орындау әрекеттеріне жұмылдыруға, нәтижеге қол жеткізуге, оны бағалап-түзетуге үйретеді. Осындай жаңашылдық ізденістер ұстазға әр баланың білім-тәрбиесінің жоғары сапалылығына қол жеткізуге мүмкіндік беруде. Мысалы, оның шәкірттері «Кенгуру» Халықаралық математикалық ойын сайысында және «Ақ бота» интеллектуалдық марафонында жыл сайын жүлделі орындарға ие болып жүр.


 

Категория: Октушылар

 

Рахманқұлова Гүлайна Сұлтанғазықызы

Автор: admin2 от 15-03-2014, 20:34, посмотрело: 730

0

Рахманқұлова Гүлайна Сұлтанғазықызы

Рахманқұлова Гүлайна Сұлтанғазықызы

Рахманқұлова Гүлайна №159 гимназияда математика пәнінің мұғалімі болып 2004 жылдан бері жұмыс істейді. Ұстаз сабақтары оқушыларды өз бетінше іздендіруімен ерекшеленеді. Ол интерактивтік, инновациялық оқыту технологияларын сабақтың нәтижелігі мен оқушы білімінің сапасын арттыруға тиімділігі жағынан талғампаздықпен пайдаланады, қажетінше оларды өз шығармашылығымен түрлендіріп, байытып отырады. Оқытудың мақсаты мен нәтижесінің бірлігіне қол жеткізе біледі. Өз тәжірибесінде дидактикалық тірек материалдарды, көрнекі, техникалық-электрондық әдістемелік оқу құралдарын кең қолданады.

Ұстаздың шәкірттері өздерінің білімдерінің тиянақтылығымен, тереңдігімен сыныптан тыс шараларда, конкурстарда, ғылыми жобалар байқауларында, олимпиадалық жарыстарда табыстарға жетіп отырады.


 

Категория: Октушылар

 

Жиенбаева Жанат Болатқызы

Автор: admin2 от 15-03-2014, 20:30, посмотрело: 1107

0

Жиенбаева Жанат Болатқызы

Жиенбаева Жанат Болатқызы

Жанат Болатқызы – 1994 жылдан бері Ыбырай Алтынсарин атындағы №159 гимназияда бастауыш сынып мұғалімі. Ол – үлкен ғылыми шығармашылықпен жұмыс істеп келе жатқан тәжірбиелі ұстаз. Осы ұжымға келген уақыттан бері өзінің ізденімпаздығымен, еңбекқорлығымен,өз мамандығын шынайы сүйетіндігімен көзге түсті. ҚР Білім стандарты мен оқу бағдармаларын жүзеге асыруда шығармашылық танытып, отандық озық тәжірибемен үйлестікте шетелдік оқыту технологияларын да қолдану ізденістерін жасайды. 1996 -1998жылдары VTS бағдарламамасының (көзбен шолу,көру арқылы баланың ойын дамыту) мәнді құндылықтарын қазіргі сабақпен бейімдікке келтіру бағытында жұмыс істеді. 1999 жылдан бастап Жанат Болатқызы «Step by Step» бағдарламамасын зерттеп-зерделеп, қонымды тұстарын жетілдіріп қолдануда. Осы бағдарлама бойынша Жанат Болатқызы ТМД елдерінен, республикадан, қаладан, ауданнан келген ұстаздар мен мектеп басшыларына бірнеше рет ашық сабақтар беріп, озық тәжірбиесін таратты. 2001 жылы Қарағанды қаласында өткен Республикалық «Step by Step» бағдарламасы бойынша бастауыш сынып мұғалімдеріне арналған тренингке қатысып, «Балаға бағдарланған сыныпты құру» тақырыбында дәріс оқып, үлгі сабақ көрсетіп, «Step by Step» білім беру ортылығынан алғыс хат алды. 2001 жылы Алматы қаласында өткен Республикалық бастауыш сынып мұғалімдеріне арналған «Ойын арқылы математика сабағын өткізу» деген тақырыпта тренинг өткізіп, мақтау грамотасымен марапатталды. 2005 жылы «Бастауыш мектептегі білім беру үрдісін жетілдіру» тақырыбында өткен халық аралық ғылыми-практикалық конференцияда панорамалық сабақ көрсетті.


 

Категория: Октушылар

 

Бәкібаева Нұрбақыт Ғабдышүкірқызы

Автор: admin2 от 15-03-2014, 20:26, посмотрело: 678

0

Бәкібаева Нұрбақыт Ғабдышүкірқызы

Бәкібаева Нұрбақыт Ғабдышүкірқызы

Бәкібаева Нұрбақыт Ғабдышүкірқызы ұзақ жылдар бойы үздіксіз математика пәнінен сабақ беріп келе жатқан, тәжірибелі ұстаз, соның ішінде осы гимназияда 14 жыл еңбек етеді.

Нұрбақыт Ғабдышүкірқызының кәсіби біліктілік деңгейі жоғары, жан дүниесі терең, адамгершілігі мол. Ол өзінің ұстаздық шеберлігін заман талабына сай және шәкірттерінің жеке басының ерекшеліктеріне қарай жетілдіріп, үнемі шыңдау үстінде.

Нұрбақыт Ғабдышүкірқызы 14 жыл қатарынан «Математика, физика және информатика» пәндерінің кафедрасына жетекшілік етіп келеді. Кафедра мұғалімдерінің оқу үрдісіндегі дәстұрлі әдістер мен жаңа технологияларды жете меңгеруіне де көп ықпал жасайды. «Оқушылардың оқу үрдісінде өз бетінше жұмыс істеуін деңгейлік тапсырмалар арқылы ұйымдастыру» деген тақырыпта әдістемелік ізденіс жасайды. Зерттеу тақырыбы бойынша мектеп кафедрасында, аудандық, калалық семинарларда өз тәжірибесімен бөлісіп, «Оқытудың жаңа технологиясының мәні», «Деңгейлеп, саралап оқыту тәжірибесінен», «Дамыта оқытудың басты ерекшеліктері» т.с.с тақырыптарда түрлі баяндамалар оқыды. Оларда бірнеше ашық сабақтар көрсетті. Мысалы, 2008 жылы қарашада қалалық тренингте «Күрделі иррационал теңдеулер шешу», 2009 жылы қазан айында аудандық семинарда «Озық ойлы оқушы» атты жарыс сабақтарын өткізді. Қаланың сынып жетекшілері семинарында «Асқақтаған Алматым, әлемге сан қырынан тәнті атың» тақырыбында тәрбие сағатын көрсетті.


 

Категория: Октушылар

 

Сүйіндікова Ғалия Шырынбекқызы

Автор: admin2 от 15-03-2014, 20:21, посмотрело: 743

0

Сүйіндікова Ғалия Шырынбекқызы

Сүйіндікова Ғалия Шырынбекқызы

Сүйіндікова Ғалия Шырынбекқызы қазақ тілі мен әдебиеті пәндерінің мұғалімі болып еңбек етіп келеді. Білім беру жүйесінде шығармашылық еңбектерімен көрініп, оқу-тәрбие саласына өзіндік үлес қосып келе жатқан тәжірибесі өнегелі ұстаз. Ол қазақ тілінің және әдебиетінің эстетикалық-этикалық, көңіл-күй сезімдік құдіретін, танымдық мүмкіндіктерін жас ұрпақ бойына сіңіруге ұстаздық өмірін мейілінше арнаған. Өз пәніне деген оқушыларының қызығушылығын оятуда көркем әдебиет қорын, бай дидактикалық материалдарды, мерзімді баспасөз туындыларын, техникалык-электрондық бағдарламаларды кеңінен пайдаланып, оқытудың белсенді технологияларын тиімді қолданады. Өзінің шығармашылық өмір жолының қымбат сырлары туралы Ғалия Шырынбекқызы былай деп толғанады: «Ұстаз деген ұғымның аясы өте кең әрі терең. Өйткені нағыз ұстаз өз бойындағы мейірім-шуағын, жан жадыратар ыстық ықылас-пейілін, білімі мен біліктілігін алдында отырған шәкірт бойына сіңіртуге күш салады емес пе? Сол шәкірті өмірден өз орнын тауып, елінің адал азаматы атанса, ұстаз көңілі көкте шарықтайды ғой. Ана тілінің құдіреті мен қасиетін, ондағы адами құндылықтарды шәкірттерімнің бойына дарытып, санасына сіңіруге тырыстым. Еңбегім босқа кетпеді деп ойлаймын. Себебі шәкірттерімнің қай-қайсы да парасатты, үлгілі, кішіпейіл, қоғамдық жұмысқа даяр тұратын елгезек және білімді азамат болып өсті.

 

Категория: Октушылар

 

Аухадиева Рысқаным Иманалықызы

Автор: admin2 от 15-03-2014, 20:18, посмотрело: 611

0

Аухадиева Рысқаным Иманалықызы

Аухадиева Рысқаным Иманалықызы

Аухадиева Рысқаным Иманалықызы №159 гимназияда орыс тілі мен әдебиеті пәндері бойынша 2004 жылдан бастап еңбек етеді. Өз пәнін жетік меңгерген, шығармашылықпен жұмыс істейтін теориялық білімі терең ұстаз. Интерактивті технологияларды жете меңгерген. Шәкірттерімен ынтымақтастықта жұмыс істеу жолымен оқыту тиімділігін арттырады. Өз пәнінің коммуникативтік мәнін жүзеге асыруға көп көңіл бөледі. Сабақты нәтижеге бағдарлай ұйымдастыра білетін білікті маман. Ол қазіргі үш тұғырлы тіл саясатының талаптарына сәйкес «Орыс тілі мен әдебиеті сабағында оқушылардың шығармашылық және интеллектуалдық қабілетін дамыту» тақырыбы бойынша ізденеді. Сабақтары репродуктивтік күйде қалып қоймай, өнімді және шығармашылық деңгейлерде өтеді. Ұстаздың оқушылары өз бетінше түсініп тыңдау, түсініп оқу, өз ойларын жазбаша жеткізу және диалогтық-монологтық сөйлеу әрекеттерін меңгерген. Тілмен табыстыруда фонетикалық, функционалдық грамматикалық материалдарды мәтінмен үйлесімде пайдаланады. Шәкірт бойында көркем әдебиетке сүйіспеншілік рухын оятады. Рысқаным Иманалықызының оқытқан оқушылардың орыс тілі мен әдебиетінен білімдері жоғары деңгейде - 90-100% сапалық көрсеткіш көрсетуде.


 

Категория: Октушылар

 

Тәтібекова Гүлнар Зейнолқызы

Автор: admin2 от 15-03-2014, 20:14, посмотрело: 623

0

Тәтібекова Гүлнар Зейнолқызы

Тәтібекова Гүлнар Зейнолқызы

Тәтібекова Г.З. №159 гимназияда 1992 жылдан орыс тілі мен әдебиеті пәнінің мұғалімі болып еңбек етіп келеді. Бұған дейін Ы.Алтынсарин атындағы Қазақ білім академиясында ғылыми қызметкер болған.

Мектепте ол өзін жауапкершілікті, білімді де білікті, ізденгіш ұстаз ретінде таныта білді. Ұстаздың өмірлік қағидасы: кәсіптік шеберлікті жетілдіре беру, алға қойған мақсатқа ілгерілеу, яғни үнемі жақсы нәтижелерге, сапалы білімге қол жеткізу, саналы, шығармашыл ойлайтын оқушылар тәрбиелеу.

Мұғалім педагогикалық жұмысын шығармашылықпен атқарады, сабақта мультимедиялық т.б. техникалық құралдар қолдану арқылы оқушыларға орыс тілінен сапалы білім береді. Қатысымдық тілді меңгертуде түрлі жаңашыл әдістер қолданады. Оқушыларды топтарға бөліп, интербелсенді оқытуды жүзеге асырады. Сабақтарда және сыныптан тыс жұмыстарда қызықты прблемалық тақырыптарда дебаттар ұйымдастырады.


 

 

Категория: Октушылар

 

Хамиева Тамара Хабиболлақызы

Автор: admin2 от 15-03-2014, 20:10, посмотрело: 707

0

Хамиева Тамара Хабиболлақызы

Хамиева Тамара Хабиболлақызы

Хамиева Тамара Хабиболлақызы – Ы.Алтынсарин атындағы гимназияда 1993 жылдан бері қазақ тілі мен әдебиеті пәнінің мұғалімі қызметін атқарып келеді. Мұғалімдік – кәсіп болса, ұстаздық – қасиет дегендей, ол жақсылық атаулыны түсіну, сезіну және өзі де жақсылық жасауға ақ тілеу болу сияқты құндылықтар иесі.

Тамара Хабиболлақызы – көркем сөз өнеріне жетіктігімен, терең білімімен, шәкірттерінің жүрегіне өз бойындағы өнерпаздығы арқылы жол таба білу шеберлігімен ерекшеленеді. Өзіне бекітіліп берілген қазіргі талапқа сай жабдықталған мультимедиялық оқу кабинетін сабақтағы оқушы белсенділігінің сапасын арттыруда тиімді пайдаланады. Дидактикалық материалдарын оқу-тақырыптық және көркем-эстетикалық тұрғыдан талғампаздықпен толық жүйеге келтіріп, оларды толықтырып, оқу әрекетін ұйымдастыруда іске қосып отырады. Компьютерді жоғары деңгейде меңгерген, интерактивті тақтамен жұмыс жүргізеді, электрондық-техникалық құралдарды пайдаланады.

Өз пәні бойынша 2007 жылы «Білімді дамытудың жаңа бағдарламасы» атты республикалық семинарда, «Тіл мәдениеті» қолданбалы курсы бойынша 2008 жылы халықаралық семинарда үлгі сабақтар берді.


 

Категория: Октушылар

 

Айнабекова Салтанат Рауанқызы

Автор: admin2 от 15-03-2014, 20:07, посмотрело: 900

0

Айнабекова Салтанат Рауанқызы

Айнабекова Салтанат Рауанқызы

Айнабекова Салтанат Рауанқызы – 1996 жылдан Алматы қаласындағы Ы.Алтынсарин атындағы №159 гимназияда қазақ тілі мен әдебиеті пәні мұғалімі.Ұстаз өз сабақтарында мемлекеттік білім стандартын жүзеге асыра отырып, оқытудың тұлғаға бағытталуын қамтамасыз етеді. Нәтижеге бағдарланған оқу үрдісінде пәндік құзыреттермен бірге іргелі кілттік қүзыреттердің қалыптасуына қол жеткізеді. Инновациялық, интерактивтік, ақпараттық оқыту технологияларын дәстүрлі әдіс-тәсілдермен үйлестікте оқушылардың дайындық ерекшеліктері және оқу материалына қарай шығармашылық тұрғысынан бейімдеп қолданады. Салтанат Рауанқызының оқушыларының білім сапасы – жоғары.

Республикалық пәндік олимпиадада оқушысы Мамырбаева Айнұр жүлделі орын алса, Текесбаева Әсел республикалық шығарма жазудан жүлдегер атанған. Оқушылары жыл сайынғы «Абай оқулары», «Мақатаев оқуларына» белсенді қатысып, шығармашылық өнерлерімен танылуда Алматы қаласы Тілдер басқармасы ұйымдастырған «Тіл нәрімен бөліс» атты байқауда оқушысы Рысбекова Лазиза бас жүлдені жеңіп алса, Тоқақызы Ақсұңқар екінші жүлделі орынды иеленіп, екеуі де Алматы әкімшілігінің заттай сыйлықтарымен марапатталған. 2009-2010 оқу жылында Әкежанова Нұрдананың «Астана-елімнің бас қаласы» тақырыбында жазған шығармасы Астана қаласынан шыққан жинаққа енген. Оқушысы Әнесова Әлия 3 жыл қатарынан қазақ тілі мен әдебиеті пәнінен аудандық, қалалық олимпиада жүлдегері атанған. Айнабекова Салтанат – 11-сынып оқушыларын жылма-жыл Бірыңғай ұлттық тестлеуге әзірлеуге аянбай еңбек етіп жүрген ұстаз. Тестке әзірлеген шәкірттері арасынан бірнеше жыл қатарынан жоғарғы көрсеткіш көрсетіп келеді. 2011 оқу жылында мектеп бітірген сыныбындағы шәкірттері: Ерназаров Берік, Қанен Абылайхан, Әкежанова Нұрдана, Беделбай Әсел «Алтын белгі» төсбелгісін алса, Сейдуманова Сания, Әбілхакім Айнұр– халықаралық ғылыми жоба жүлдегерлері. Манарбек Лимара Астана қаласындағы Нұрсұлтан Назарбаев университетінің грантының жеңімпазы.

 

Категория: Октушылар

 

Сарсенбаева Әлия Нағашыбайқызы

Автор: admin2 от 15-03-2014, 20:02, посмотрело: 899

0

Сарсенбаева Әлия Нағашыбайқызы

Сарсенбаева Әлия Нағашыбайқызы

Гимназияның физика пәнінің мұғалімі Сарсенбаева Әлия Нағашыбайқызы – өзінің сабақтарын оқушыларды қандай адам болуға оқытамыз, не нәрсеге үйретеміз және қалай оқытуымыз керек деген сұрақтарға жауап баларлықтай етіп құрады. Оның сабақтарында оқушылар ғылым жетістіктерін адамзаттың тек ізгі мақсаттары үшін қолдануға, өз беттерінше шешім қабылдау дағдыларына, өз беттерінше ізденіп білім жинауға үйренеді.

Әлия Нағашыбайқызының баспа беттерінен жарық көрген еңбектері: 2006 жылы 7-сынып физика курсы бойынша «Таблицалар жинағы», 2007 жылы 7-8-9 сыныптар үшін «Тест тапсырмалары», физик ғалымдардың «Портреттер жинағы», 10-сынып бойынша «Таблицалар жинағы», 8-сынып физика курсынан таблицалар жинағы, «Астрономия» пәнінен таблицалар жинағы, 7-8-9-10-сыныптарға арналған үлестірмелі дидактикалық материалдар, 7-8-9-10-11-сыныптар үшін физикадан «Жұмыс дәптерлері», 9-10-сыныптар үшін тестілер жинағы, «12 жылдық мектептерге арналған байқау оқулығы, 8-сынып» кітабының аудармашы және суретпен көркемдеуші авторы болды. Физика пәні бойынша 12 жылдық мектептің 8 сыныбына арналған бағдарламаның авторы. 2009 жылы «Кванттық физика», «Электродинамика», «Оптика», «Механика» бөлімдері бойынша еңбектері оқу құралы жинағына енген.


 

Категория: Октушылар

 

Қабылқанова Назира Шәкерқызы

Автор: admin2 от 15-03-2014, 19:58, посмотрело: 725

0

Қабылқанова  Назира Шәкерқызы

Қабылқанова Назира Шәкерқызы

«Жаңашыл ұстаз сыр шертеді»

Бүгінгі балалардың мақсаттары да, құндылықтары да, идеалдары да күнделікті қамқорлықты қажет етеді. Өйткені олар мектептен тыс уақытта түрлі көздерден әр түрлі мәндердегі ақпараттар өрісінде болады. Біз өзінің болашағына тиімділік тұрғысынан қарайтын, іскерлікке бейім, жоғары талап қоя білетін рухани-адамгершілікті адам дйындау үшін күресті бір сәт те қолдан шығарып алмауымыз керек.

Осыған орай мектебімізде заман талабына сай білім беруде инновациялық оқыту, ақпараттандыру сияқты кезек күттірмейтін ауқымды істер жүзеге асуда. Біз №159 гимназияда заман талабына сай оқушыны оқу материалдарын дайын күйінде алуға емес, өз бетімен ізденуге, өзіне қажетті білімді қолдана білуге бейімдеуді қолға алдық. Өз пәнім бойынша оқушының географиялық білімді ізденіп алуын қамтамасыз ету үшін ұйымдастыру жұмыстарымды көбінесе балаға әдістемелік көмек көрсету жолымен атқарамын. Оқушының оқулық көлемімен шектеліп қалмай, қосымша білім көздеріне сүйенуі үшін бағыттар беремін. Географиялық жаңа басылымдарды жинақтау, теледидар арқылы берілетін хабарларды бейнетаспаға түсіріп отыру, аудандық, қалалық, білім сайыстарына қатыстыру т.б. шаралар оқушыларымды білімді өз бетінше алуға дағдыландырады. Оқушының өз жауапкершілігін өзі түсініп, өзіне қойылған міндетті шешіп, өз бетінше ізденіп, талдап, өз пікірін қалыптастыру деңгейіне жету үшін үнемі даму үстінде болуын қадағалаймын. Мысалы, өзімнің автор болып жазған 6-сынып оқушыларына арналған физикалық география оқулығында бақылау жұмыстарының түрлерінің құрамында оқушы білімін тексеруге арналған үлестірме материалдардың төрт тобы ұсынылған.


 

Категория: Октушылар

 

Көбенқұлова Саят Бахриденқызы

Автор: admin2 от 15-03-2014, 19:55, посмотрело: 980

0

Көбенқұлова Саят Бахриденқызы

Көбенқұлова Саят Бахриденқызы

Эссе: «Мектебім – өмірім, мақтанышым!»

Гимназияның география пәнінің мұғалімі, Қазақстан Республикасының білім беру ісінің үздігі, Ы.Алтынсарин атындағы медальдің иегері Көбенқұлова Саят Бахриденқызы өзі еңбек етіп жүрген мектебі туралы ризашылық сезімін үлкен тебіреніспен айтып, жақсы үлгі таратуды өзіне парыз санайды. Ұстаз былай деп тебіренеді:

«Ақырын жүріп анық бас,

Еңбегің кетпес далаға.

Ұстаздық еткен жалықпас

Үйретуден балаға,

деп ұлы Абай айтқандай, ұстаз деген абыройлы атаққа ие болғаныма биыл 39 жыл болса, еңбек етіп жүрген мектебіме 20 жыл толды. №159 гимназияда оқу кабинеттері қазіргі заман талабына сай озық үлгімен жабдықталған. Мультимедиялық, лингафондық және компьютерлік кабинеттермен бірге интербелсенді тақталар және аудио-бейнелік техникалар жеткілікті. Осы 20 жыл ішінде мектеп Алматы қаласында ғана емес, республика бойынша маңдай алды мектепке айналды. Әрине, мектептің атақ даңқын шығаратын мектеп басшысы директор болса, бұл – басшымыз А.Т.Миразованың өлшеусіз еңбегі. А.Төреқызының табиғатынан берілген іскерлігі, еңбекқорлығы педагогикалық ұжымға қанат бітіріп, табыстарға жетелеумен келеді. Ол әрбір шәкірт тұлғасының дамуына, әрбір ұстаздың шығармашылық өсуіне жағдай жасап, көңіл бөледі. Осының бір айғағы – 36 мұғалім жаңа буын оқулықтары мен оқу-әдістемелік кешендердің, бағдарламалардың авторлары. Өзімнің де осы қатарда көріне алғаныма ризамын».

Осынау ұлағатты ұжымның мүшесі Көбенқұлова Саят Бахриденқызы – география пәні мұғалімі ретінде терең теориялық білімін практикамен ғылыми негізде ұштастыра білетін тәжірибелі ұстаз. Оның сабақтары нақты тұлғаға бағыттылығымен ерекшеленеді. Ол оқытудың белсенді технологияларын жоғары талғаммен қолданып, оқушы білімінің сапалы нәтижеде болуына қол жеткізеді.


 

Категория: Октушылар

 

Директордың оқу ісі жөніндегі орынбасары

Автор: admin2 от 15-03-2014, 19:52, посмотрело: 971

0

Директордың оқу ісі жөніндегі орынбасары

 

Тұңғышбаева Гүлназ Облбекқызы

ҚР БІЛІМ БЕРУ ІСІНІҢ ҚҰРМЕТТІ ҚЫЗМЕТКЕРІ

«Алматы жыл мұғалімі-2008» байқауының «Бас жүлде» иегері

Тұңғышбаева Гүлназ Облбекқызы 2002 жылдан бастап Алматы қаласы, Медеу ауданы Ы.Алтынсарин атындағы №159 гимназияда жұмыс атқарып келеді. Ол –жоғары санаттағы информатика пәнінің біліктілікті мұғалімі, Абай атындағы ҚазҰПУ-нің «Информатика және қолданбалы математика» кафедрасының ізденушісі. 2006 жылы Абай атындағы ҚазҰПУ-нің «Информатика және қолданбалы математика» кафедрасында «Информатиканың бағдарлы курсында компьтерлік графика құралдарымен оқушылардың шығармашылық қабілетін дамыту» атты диссертациялық зерттеу тақырыбы негіздемесі қорғалып бекітілген.

 

 

Сүйікті нақылы:

Жай мұғалім хабарлайды,

Жақсы мұғалім түсіндіреді!

Керемет мұғалім көрсетіп әрекеттендіреді,

Ұлы мұғалім шабыттандырады.

                                                            (У.Уорд)

Сүйікті қағидасы:

Қазақ ұлтының бесігі – қазақ мектебі. Мен сол бесіктің тербеушісімін...-

Гүлназ Облбекқызы – мектепте информатиканы оқытуды жоғары деңгейде жүзеге асырып жүрген ұстаз. Ол оқытудың жаңа технологияларын, озық іс-тәжірибелерін тиімді пайдалануда үнемі ізденіс танытады. Сабақты шебер ұйымдастырады. Оқытудың психологиялық шарттарын құра білуі өнеге бола алады. Балаларды ақпараттық ойлауға үйретеді. Оның шәкірттері ақпараттық теория негіздерін және компьютерлік дағдыларды терең меңгергендіктерімен ерекшеленеді. Өз әріптестерімен интерактивтік тақта бойынша оқыту тәжірибесімен бөлісіп отырады. Ол жетекшілік ететін ақпараттық кабинетті мектептегі ақпараттық оқыту әдістемесінің орталығы десе де болады.

 

Категория: акiмшiлiк, Октушылар

 

Үржігітова Гүлзина Әбенқызы

Автор: admin2 от 15-03-2014, 19:44, посмотрело: 581

0

Үржігітова Гүлзина Әбенқызы

Үржігітова Гүлзина Әбенқызы

1991 жылдан бастап Ы.Алтынсарин атындағы гимназияда бастауыш сынып мұғалімі болып жұмыс істейді. 1992-1994 жылдары мектеп директорының тәрбие ісі жөніндегі орынбасары қызметін атқарды. Гүлзина Әбенқызының ұстаздық бейнесін оның шәкірттерінің және өзінің шығармашылық табыстары құрайды.

1999 жылы І Республикалық понорамалық сабақтар байқауына қатысып, бас жүлдені иеленген. Байқауда өз зерттеу тақырыбын ұтымды қорғап, үлгілі сабақ үлгісін көрсетіп, Республикалық мұғалімдердің білімін жетілдіру институтының І дәрежелі дипломымен марапатталды.

2005 жылы «Алматы жыл мұғалімі» байқауына қатысып, жүлделі І орынды иеленді. Байқау барысында «Білім үстемділігінен нәтижеге бағдарланған құзіретті білімге көшу» тұжырымдаманы ұтымды қорғап, байқау талабына сәйкес барлық кезеңдерден ерекше байқалып, «Ұстаздық еткен жалықпас» атты номинацияны иеленді.


 

Категория: Октушылар

 

Асанбекова Гүлмира Сағатқызы

Автор: admin2 от 15-03-2014, 19:41, посмотрело: 996

0

Асанбекова Гүлмира Сағатқызы

Асанбекова Гүлмира Сағатқызы туралы педагогикалық очерк

«Өнегелі ұстаз, қоғамшыл азамат»

№159 гимназияда әр сабағында инновациялық, интерактивтік оқытуды тиімді пайдалана отырып, оқушылардың ойлау қабілеті мен іскерлік деңгейін, ізгілікті тұлғалық қасиеттерін үнемі арттыру бағытында үлкен шығармашылықпен, тынымсыз ізденімпаздықпен жұмыс істейтінін нәтижелі көрсете алатын ұстаздар қатарында тарих және құқықтану пәндері маманы Асанбекова Гүлмира Сағатқызының орны ерекше.

Г.С.Асанбекова Ы.Алтынсарин атындағы №159 гимназияда 1995 жылдан бері еңбек етеді. Бұған дейін Талдықорған қаласындағы №18 қазақ орта мектебінде педагогикалық өмірбаянын бастаған жас ұстаздың шәкірттері 1989-1995 жылдарда облыстық, республикалық пәндік олимпиадаларда және өлектану слетінде жүлделі орындар иеленсе, өзі облыс мұғалімдері үшін үлгі сабақтар көрсетіп, ғылыми-практикалық конференцияда табысты баяндама жасап, едәуір іс-тәжірибе жинақтаған еді.

Асанбекова Гүлмира Сағатқызы – жаңа технологияны сабақта тиімді қолдануда тынбай ізденіп жүрген ұстаз. Өзі де жаңа технология элементтерін ойлап тауып, өзі жазған әдістемелік құралдар мен сабақтарда қолданады. Мысалы, «XXI ғасырдың жаңа оқу технологиялары» атты халықаралық конференцияда «Нәтижелі білім беру мен жаңа технология элементтерін тиімді қолдану» атты баяндамасында бұл кең орын алды. Жаңашыл, танымал педагогтардың еңбектері мен тәжірибелерімен таныса отырып, оқушы тұлғасын жан-жақты дамытудың әдіс-тәсілдерін, жолдарын игерді.Ұстаздың оқу кабинеті кішігірім зертхана сияқты десе де болады, қазіргі талапқа сай сабақта және сабақтан тыс уақытта оқушы танымын, білімін арттыратын дидактикалық құралдармен жабдықталған.


 

Категория: Октушылар

 

Шадиев Қайратбек Хамзаханұлы

Автор: admin2 от 15-03-2014, 19:37, посмотрело: 833

0

Шадиев Қайратбек Хамзаханұлы

Шадиев Қайратбек Хамзаханұлы

Білімі: жоғары, 1993ж. - әл-Фараби атындағы Қазақ Ұлттық университеті, физика факультеті (үздік диплом) (квалификациясы: физик, оқытушы). 1995 ж. - Қазақ Мемлекеттік Басқару Академиясы, бизнес және менеджмент факультеті (квалификациясы: экономист).

Ғылыми дәрежесі және атағы: Экономика ғылымдарының кандидаты (2011ж.), «ҚР білім беру ісінің үздігі» (1997ж.), «Ыбырай Алтынсарин» төсбелгісі (2009ж.), «Жаңашыл ұстаз» атағы (2010ж.), «ҚР білім беру ісінің құрметті қызметкері» (2011ж.).

Қайратбек Хамзаханұлының әр жұмысы білім беру мазмұнын шығармашылықпен байытуға, оқу бағдарламаларындағы оқушылар біліктілігіне қойылатын талаптарды сапалы орындауға, жаңа оқыту технологияларын тиімді пайдалануға, жұмыс әдістері мен формаларын жүйелі қолдануға, өзін-өзі басқару мен бағалауға негізделген. Ізденімпаз ұстаздың әр түрлі әдіс-тәсілмен өткізген сабақтарын қала, аудан, республикадағы әріптестері көріп, ұстаздың шығармашылығымен етене танысып жоғары бағалап жүр. Тәжірибелі ұстаздың оқу кабинеті қазіргі талапқа сайсабаққа және сабақтан тыс мезгілде оқушы танымын, білімін арттыратын электрондық-ақпараттық құралдармен, дидактикалық материалдармен, практикалық-тәжірибелік техникалық жасақтармен және көрнекіліктермен жабдықталған.



 

Категория: Октушылар

 

Директордың тәрбие ісі жөніндегі орынбасары

Автор: admin2 от 15-03-2014, 19:34, посмотрело: 843

0

Директордың тәрбие ісі жөніндегі орынбасары

 

Кисимбетова Шолпан Бақытжанқызы

 

Қазақтың мемлекеттік қыздар педагогикалық институтының музыка факультетін бітірген Кисимбетова 1998 жылдан осы Ы.Алтынсарин гимназиясында музыка пәнінің мұғалімі мамандығы бойынша жұмыс істеп келеді. 2006-2007 оқу жылынан бастап директордың тәрбие-ісі жөніндегі орынбасары қызметін атқаруда.

Шолпан Бақытжанқызы музыка сабағына халықтық педагогика құндылықтарын үнемі негіз етіп алады. Дәстүрлі музыканың идеялық мазмұнын, көркемдік ерекшеліктерін, ішкі ұлттық рухын шәкірттерінің бойына сіңіруде шығармашылықпен еңбектенеді. Сабақта халықтың ғасырлар бойы жинақтаған, іріктеп сақтаған тәжірибесі мен ізгі қасиеттерінің рухында баланың қоршаған ортадағы қарым-қатынасын, дүниетанымын, өмірге деген көзқарасын және соған сай мінез-құлқын қалыптастыруды Шолпан Бақытжанқызы міндетім деп санайды.

 

Категория: акiмшiлiк

 
Назад Вперед